María Barral destaca a importancia do comercio na economía local durante a firma dun novo convenio para a promoción do as súas actividades

147
A alcaldesa, María Barral, e a presidenta de Acebe, Antonia Anido, asinaron o convenio

O Concello apoia o tecido comercial e empresarial cun novo convenio para a promoción das súas actividades. A alcaldesa, María Barral, e a presidenta de Acebe, Antonia Anido, asinaron o convenio de 14 000 euros nun acto onde a primeira edil destacou a importancia que ten o comercio na economía local e a necesidade de “manter unha colaboración estreita entre a administración e os comerciantes, con accións e programas transversais”.

O convenio súmase aos que asinados polo goberno local con entidades sociais e deportivas para o desenvolvemento e apoio ás súas actividades. Na relación de entidades están incluídos os clubs deportivos que contan con escolas nas que están matriculados centenares de nenos e nenas do Concello en distintas especialidades; así como entidades sociais como APEM, Cáritas, Cruz Vermella ou Aspace.

As axudas municipais cobren en gran medida as reducións que boa parte das entidades sufriron por parte doutras administracións e que nalgúns casos chegaron ata o 80%, o que provocou uns importantes desaxustes económicos que sen esta axuda municipal, nalgúns casos, mesmo, provocarían a súa desaparición.

María Barral destacou o importante labor que desenvolven estas entidades, que moven unha importante masa social e que cobren en certa medida un espazo de formación e axuda a moitas familias que sería imposible, materialmente, realizar desde a Administración pública. De aí a importancia que ten para un municipio como Betanzos poder contar con estas entidades. A alcaldesa subliñou o traballo destas, e “a dedicación, colaboración e traballo en diferentes programas e actividades, que é imprescindible para o desenvolvemento da nosa cidade”.

Nos convenios asinados, APEM recibiu 2500 euros para as súas actividades, mentres que Aspace tivo unha axuda de 2000 euros; Cáritas Betanzos, 5500 euros, e Cruz Vermella Betanzos 5500 euros. Tamén se asinaron os convenios co Betanzos CF, 18.000 euros, o Club Náutico Ría de Betanzos, 12 000 euros Club Troula Fútbol sala, 8000 euros; a subvención ao Club de Baloncesto Santo Domingo, 8000 euros; o Club Caimáns BTT, 3000 euros; o Club Ciclista Betanzos, 3000 euros.

Coa ANPA do CEIP Vales Villamarín para actividades extraescolares 11 000 euros; e os da Asociación de Amigos dá Banda de Betanzos, Coral Polifónica, e Asociación de Amigos do Centro histórico.