O goberno local solicitará á Xunta a demolición das antigas “ porquerizas” do instituto Francisco Aguiar. Trátase dunha construción anexa que segue sendo utilizada para albergar actividades lectivas pero non reúnen as mínimas condicións de salubridade e seguridade necesarias polo que o goberno local insta á Consellería de Educación a que proceda á súa demolición. Tanto pais, alumnos como persoal docente trasladaron ao executivo local a súa preocupación pola situación destas construcións e esperan que desde a Xunta aténdase canto antes esta solicitude e cométanse novas instalacións acordes para poder desenvolver distintas actividades.
Ao mesmo tempo, o goberno local solicitará tamén á Consellería unha serie de melloras nas instalacións do centro na liña das que se executaron no colexio Vales Villamarín que está pendente dunha segunda fase de eficiencia enerxética (cambios de xanelas) que xa foi demandada recentemente pola alcaldesa á conselleira.
