A alcaldesa, María Barral, e a subdelegada do Goberno, María Rivas, presentaron o proxecto de renovación do Mercado municipal que foi incluído no plan de Axudas de Recuperación, Transformación e Resilencias do Ministerio de Transportes, Movilidad e Axenda Urbana.
O obxectivo é conseguir que a través destes fondos europeos un novo concepto de Mercado, no que a oferta de produtos agrolimentarios; os postos de peixaría ou de carnicería, mestúrense cunha oferta hostaleira e facer do Mercado un edificio de referencia nesa recuperación e impulso do centro histórico.
“Trátase de dar un paso máis nese obxectivo que temos de impulsar o centro histórico. Por unha banda, coa recuperación de vivendas e a mellora de rúas e viarias; e por outro, con proxectos que sexan tamén motor de actividade”, indicou a primeira edil.
A iniciativa ten como obxectivo crear un novo modelo de Mercado Municipal que aúne o uso tradicional con outros de carácter gastronómico que poida atraer un público máis extenso, tanto local como turístico. Para iso preténdese revitalizalo, deseñando un espazo actual, sensible coas demandas sociais, comprometido con aforro enerxético e que sexa referente en dixitalización.
O proxecto pretende recuperar o edificio histórico e poñer en valor as características espaciais do inmoble orixinal eliminando a planta engadida e recuperando a claridade espacial. Perforacións nos forxados existentes na planta primeira permitirán mellorar a iluminación natural da planta baixa semienterrada. Ademais crearanse novos postos de venda.
A proposta busca ser un referente na rexeneración dos mercados de abastos tradicionais, propoñendo un modelo de mercado inclusivo. Entre outras características, o proxecto incorporará sistemas de reciclaxe de auga para rega da plantación interior ornamental; e planta de compostaxe de restos orgánicos. Na cuberta colocaranse paneis fotovoltáicos para a produción de energia renovable.
A intervención ten tamén como obxectivo potenciar as características que fan desta edificación un espazo excepcional dentro da cidade pola claridade construtiva, pola xenerosidade espacial e polo material. Por iso, todas as actuacións que se realicen deberán potenciar estes fundamentos, restaurando a fachada orixinal de forma integral e retirando aqueles elementos engadidos que a degradaron; recuperando a espacilidad orixinal do edificio, desmontando para iso o altillo non orixinal; e recuperando para a señalética do recinto a tipografia orixinal dos letreiros do mercado.
O custo do proxecto alcanza os 1,5 millóns de euros, deixando a achega municipal nos 78.000 euros.
A alcaldesa tivo esta semana unha primeira reunión cos placeiros para coñecer as súas necesidades e en paralelo ir organizando o traslado a outra localización durante a execución dos traballos.
