Destacadas

O Concello de Betanzos celebrou o acto oficial de entrega das credenciais ás veciñas e veciños que completaron con éxito a Ruta do Pai Sarmiento, un percorrido que culminou en Santiago de Compostela tras completar as sete etapas que conforman este itinerario xacobeo.

O Concello celebrou, o pasado xoves 18 de xuño, o sorteo público para a elección das persoas representantes das Festas Patronais de San Roque 2026, do que resultaron elixidas Myriam Arnoso Roca como Representante Maior e Iris Pena Martínez como Representante Infantil.

O Concello presentou un novo Obradoiro de Emprego no ámbito sociosanitario que permitirá formar a 20 alumnos durante un período de nove meses nun sector cunha elevada demanda laboral.

Betanzos ultima os preparativos da XXVII edición da Feira Franca Medieval, que se celebrará dentro dun mes, como é tradición, durante a segunda fin de semana de xullo. A organización traballa xa nos últimos detalles dunha cita que volverá converter o casco histórico nun gran escenario medieval.

A Estación de Tratamento de Auga Potable (ETAP) de Betanzos vén de culminar unha importante actuación de mellora que permitirá incrementar a calidade da auga subministrada á veciñanza.

A alcaldesa María Barral, reclamoulle á conselleira de Vivenda e Planificación de Infraestruturas, María Martínez Allegue, que a Xunta continúe impulsando o Plan Rexurbe na cidade e retome a adquisición de inmobles no casco histórico

Á mellora da Fonte da Diana Cazadora súmanse agora distintas actuacións no mesmo ámbito da praza García Naveira, centradas na iluminación dos Soportais e na instalación de novos sistemas de iluminación e sinalización intelixente en varios pasos de peóns.

O Concello  vén de iniciar os traballos de mellora e recuperación integral da fonte da Diana Cazadora, unha das imaxes máis emblemáticas e recoñecibles do patrimonio urbano da cidade.

A medida estará vixente entre o 4 de xuño e o 11 de xullo debido ás obras que se están a desenvolver na estación da Coruña.

O Concello de Betanzos executa os traballos de mellora de infraestruturas, redes de servizos e pavimentación no núcleo de Touriñao, unha actuación incluída nun plan provincial que supón un investimento de 196.000 euros.