O Diario Oficial de Galicia publicou o 15 de marzo de 2021 a convocatoria de axudas para a adquisición de vivendas emprazadas nos centros históricos recollidos no anexo da Orde do 1 de marzo de 2018, nos termos indicados no ordinal segundo g) . Entre os concellos incluídos atópase Betanzos.
As axudas para adquisición de vivenda acadan os 12.800 euros por vivenda cando os adquirentes teñan menos de 35 anos e 10.800 euros no resto dos casos. Se a vivenda se atopa no ámbito dunha área Rexurbe declarada o importe da axuda pode acadar o 15.000 euros, independentemente da idade do adquirente.
Estas axudas teñen como obxectivo contribuir a dinamización dos centros históricos declarados en Galicia a través da chegada aos mesmos de novos poboadores, polo que agardamos que dende o seu concello lles dean a meirande difusión posible co obxectivo de que todos os cidadáns interesados se poidan beneficiar das mesmas.
O prazo de presentación de solicitudes iniciouse coa publicación da convocatoria no Diario Oficial de Galicia e rematará o 1 de setembro de 2021 , salvo esgotamento dos fondos. O programa está dotado este ano cun total de 600.000 euros.
Agradecemos a colaboración que poida prestar á difusión desta axuda na procura de ofrecer o mellor servizo aos seus concidadáns, para o que lle achegamos folleto informativo.
Para descargar o folleto informativo prema aquí