O Concello ampliou este ano o tendido eléctrico na zona rural e nas principais rúas da cidade, ademais de iluminar “con paraugas luminario” toda a praza dos Irmáns García Naveira, e rúas do centro histórico, con luces led onde predomina a cor branca que dará unha vistosidade especial ás rúas da zona histórica e ao centro da cidade.
Haberá tamén elementos do Nadal nas rotondas de entrada á cidade polas Cascas, no adro de San Domingos ou no palco da música, unha nova iluminación coa que Betanzos abre un mes intenso de actividades para todas as idades.
