O Concello de Betanzos e o Equipo de Dinamización Lingüística do CEIP Francisco Vales Villamarín organizan por primeira vez unha campaña de dinamización lingüística na hostalaría local, que levará o galego aos bares, cafeterías e restaurantes betanceiros desde o vindeiro 24 de xuño.
“Nós galegaremos nas tabernas” é unha campaña de dinamización lingüística no ámbito da hostalaría que pretende pór en valor o uso da lingua galega e destacar a necesidade do seu uso para que o galego teña un futuro en Betanzos. Os máis pequenos e pequenas do CEIP Francisco Vales Villamarín elaboraron ao longo do mes de maio distintos lemas que poñen en valor o uso da nosa lingua e que se plasmarán nesta campaña que acollen diversos bares, cafeterías e restaurantes da localidade.
Os locais participantes na iniciativa “Nós galegaremos nas tabernas” son os seguintes:
A ARTESA DA MOZA CRECHA – Rúa Cruz Verde n.º 3
BAR CAFETERÍA EL CAPRICHO – Rúa Pintor Seijo Rubio n.º 4-6, baixo
CAFÉ BAR EUROPA – Rúa do Rollo n.º 15
CAFÉ BAR LA TORRE – Avenida Jesús García Naveira n.º 1 baixo
CAFETERÍA MILLENIUM – Rúa Rosalía de Castro n.º 18
CAFETERÍA LANZÓS – Rúa Lanzós n.º 21
CERVECERÍA AS GALERAS – Paseo da Galera n.º 2
CERVECERÍA LA NUEVA INTERNACIONAL – Praza Domingo Etchevarría Naveira n.º 3
CERVECERÍA MG – Praza Pepito Arriola n.º 2
CERVECERÍA VÁZQUEZ – Rúa Saavedra Meneses n.º 62
EL HISTÓRICO – Rúa Santiago n.º 2
O CURRUNCHO – Travesía do Progreso n.º 11
ONZE – Rúa Fonte de Unta n.º 8
RESTAURANTE CASANOVA – Rúa Ferradores n.º 21
RESTAURANTE VEGA – Rúa dos Ánxeles n.º 3
Podes consultar aquí un mapa cos bares, cafeterías e restaurantes participantes.
O Concello de Betanzos a través do Servizo de Normalización Lingüística e coordinado co Equipo de Dinamización Lingüística do CEIP Francisco Vales Villamarín, do que partiu a iniciativa, colaboran para organizar a posta en marcha desta campaña de dinamización lingüística na hostalaría local.