O Concello de Betanzos instalará o vindeiro domingo, 19 de xullo, unha pantalla xigante na Praza Irmáns García Naveira para que a veciñanza poida seguir en directo a gran final do Mundial de Fútbol, na que a selección española se enfrontará á Arxentina.
Con esta iniciativa, o Goberno local quere ofrecer un espazo de encontro para que afeccionados e afeccionadas poidan vivir conxuntamente un dos acontecementos deportivos máis importantes do ano, compartindo a emoción e o ambiente desta cita histórica.
A pantalla permitirá seguir o encontro en directo desde o corazón da cidade, convertendo a Praza Irmáns García Naveira nun punto de reunión para apoiar á selección española e desfrutar dunha tarde de fútbol en comunidade.
O Concello anima á cidadanía a achegarse á praza para compartir esta xornada deportiva e vivir unidos a emoción da final do Mundial.
