O Concello amplía as zonas que contan con desfibriladores dentro do programa para facer de Betanzos unha cidade “ cardiosaudable”

562
A alcaldesa, María Barral, e o concelleiro de Deportes, Andrés Hermida, fixeron entrega un dos seis desfibriladores ao director do Vales Villamarín.

O Concello completa a rede de desfibriladores na cidade e crea así novas zonas cardioprotexidas. Neste sentido, colocará outros seis desfibriladores semiautomáticos ( DESA) de última xeración que se unirán aos catro cos que xa conta. Con esta iniciativa, Betanzos ponse á altura dos estándares europeos en materia de creación de zonas cardioprotexidas, a forma máis eficaz de prevención de mortes por paro cardíaco, como cidade “cardiosaudable”.

A iniciativa conta coa colaboración da agrupación local de Cruz Vermella que, á súa vez, recibe axuda da Fundación A Caixa. A alcaldesa, María Barral, explicou que con estas novas adquisicións preténdense aumentar de forma considerable as zonas cardioprotexidas, conscientes da importancia que teñen en lugares que rexistran unha gran afluencia de público.

“En ausencia de atención inmediata, a taxa de supervivencia non chega ao 5%, mais, pola contra, excede o 50% nas instalacións cardioprotexidas, de aí a importancia capital da cardioprotección dos lugares públicos”, indicou a primeira edil. Así, ao polideportivo municipal, o campo de fútbol do Carregal, e os coches de Protección Civil e Policía Local que actualmente conta cun desfibrilador únese o colexio Vales Villamarín, ao que a alcaldesa lle fixo entrega esta mañá do aparello. Para iso, varios profesores do centro escolar fixeron formación durante as últimas semanas. A esta lista unirase nos próximos días o colexio A Nosa Señora do Carmen-Grande Obra de Atocha; e o Club Náutico Ría de Betanzos. Tamén está previsto no instituto Francisco Aguiar e no IES As Mariñas, nos que se impartirá formación ao seu persoal, do mesmo xeito que o Edificio Arquivo).

A estes unirase outro aparello na zona do centro histórico. Na formación, danse consellos para actuar #ante un paro cardíaco repentino, para realizar unha resucitación cardiopulmonar ( RCP) que permita manter o fluxo necesario de sangue osixenado ao cerebro e restablecer o ritmo cardíaco normal mediante o uso dun desfibrilador. “A nosa intención é reforzar a seguridade e prevención nas instalacións onde se concentra máis poboación; por ese motivo quixemos ir máis aló e adaptarnos aos estándares europeos con esta medida que, con todo, non é aínda de obrigado cumprimento nos concellos”, explicou María Barral. Coa cardioprotección trátase de atallar a elevada incidencia a nivel mundial da morte súbita, un colapso ou paro cardíaco repentino en persoas que non teñen por que mostrar síntomas de problemas cardíacos e que causa a morte en poucos minutos se non se intervén de forma inmediata.

Ademais da instalación, o Concello en colaboración coa agrupación local de Cruz Vermella dálle formación a persoas que traballan nas instalacións, como o colexio, a representantes dos clubs deportivos, a traballadores e traballadoras municipais, das superficies comerciais, con grupos reducidos e cursos de cinco horas de duración en materia de autoprotección e actuación ante urxencias. O concelleiro de Educación, Andrés Hermida, indicou que os desfibriladores, tanto os instalados como os que se adquirirán, contan con telecontrol, teleasistencia e xeolocalización permanente, o que facilita a rápida intervención dos servizos médicos de emerxencia. Explicou que a cardioprotección fai que as probabilidades de sobrevivir á que é hoxe a primeira causa de morte prematura en España”.