A Cabalgata de Betanzos percorreu as rúas da cidade e repartiu máis dunha tonelada de caramelos. Galería de imaxes.

Por
Comunicación Betanzos
-
410
CABALGATA REYES 5-xaneiro-2024

Os Reis Magos repartiron este ano máis dunha tonelada de caramelos na Cabalgata de Betanzos, aptos para persoas celíacas. Os Reis, xunto co resto das súas comitivas, foron en tres carrozas comezando o seu percorrido ás 18:00 h no centro de Formación Ocupacional de Bellavista.

O percorrido, desde o centro de formación, foi o seguinte: avenida de Castela, Rosalía de Castro, doutor Fariña, avenida Jesús García Naveira, Bartolomé Cossío (detrás da gasolineira das As Cascas, Xoán Vicente Viqueira, Mestra Paquita Zuluaga, avenida Jesús García Naveira, Emilio Romay, avenida de Castela, Valdoncel, rúa da Ribeira, Cabildos, Travesa, Porta da Vila e praza de García Irmáns.

Ao mesmo tempo na carpa municipal ubicada na Praza García Naveira, o Concello agasallou con chocolate á toda a rapazada presente na cabalgata e na recepción.
Melchor, Gaspar e Baltasar recibiron á cativada na Aula Cultura. As persoas con discapacidades tiveron, por suposto, un lugar prioritario para poder transmitirlles aos Reis os seus desexos para esta noite máxica.

O mal tempo obrigou a acortar o percorrido inicialmente previsto.

Na organización da Cabalgata participaon máis de 50 persoas entre Protección Civil, Policía Local, voluntariado e persoal municipal.

 

ARTIGOS RELACIONADOSMÁIS DO AUTOR