O Concello de Betanzos lembra á veciñanza e ás persoas visitantes os horarios de atención da Oficina Municipal de Turismo, co obxectivo de facilitar a planificación das visitas e ofrecer un mellor servizo de información turística durante todo o ano.
A Oficina de Turismo permanecerá aberta de luns a venres en horario de 09:00 a 18:30 horas, de maneira ininterrompida. Pola súa parte, os sábados, domingos e festivos o horario de atención será de 10:30 a 13:30 horas.
Desde este servizo municipal ofrécese información sobre o patrimonio histórico e cultural da cidade, rutas turísticas, recursos naturais, eventos, actividades e outros atractivos que fan de Betanzos un destino de referencia en Galicia.
O Concello anima a todas as persoas que visiten a cidade a achegarse á Oficina de Turismo para coñecer en detalle a riqueza patrimonial, gastronómica e cultural de Betanzos.
