O Concello de Betanzos informa de que xa está dispoñible a listaxe definitiva coas persoas admitidas no programa Campamento de Verán Betanzos Concilia 2026.
Co fin de garantir a protección dos datos persoais, a consulta da listaxe realízase a través do documento identificativo da persoa solicitante (nai, pai, persoa titora ou representante legal).
As persoas interesadas poden consultar a relación de admitidas e admitidos na Sede Electrónica municipal de Betanzos ou premendo AQUÍ
O programa Betanzos Concilia ten como obxectivo facilitar a conciliación da vida familiar e laboral durante o período estival, ofrecendo unha alternativa de lecer educativo para as nenas e nenos do municipio.
Para resolver calquera dúbida ou solicitar información adicional, as familias poden contactar cos Servizos Sociais municipais no teléfono 981 770 707.
