O Bar Galicia obtivo o premio popular 2023 na Semana da Tortilla de Betanzos despois de contabilizar os votos emitidos durante toda a semana nos 16 establecementos que participaron na edición deste ano. O establecemento impúxose por diante de O Noso Recuncho, gañador da mellor Tortilla 2023 e Bar Kutako.
É a cuarta ocasión na que Bar Galicia se impón no Premio Popular. Gañouno en 2020, 2021 e 2022. Ademais tanto no 2021 como en 2022 obtivo tamén o premio á Mellor Tortilla de Betanzos por parte do xurado profesional.
Na edición deste ano, o premio foi para O Noso Recuncho por diante de Restaurante Casanova, Treze, Café Segundo e Yocri. Por primeira vez este local obtivo premio na cata a cegas ante un xurado composto por Ángeles Marzoa, do restaurante Jaleo; Luís Veira, chef no prestixioso restaurante Árbore dá Veiga; e Alma Garcia, de Greca Bar. O tres destacaron a calidade das tortillas presentadas ao concurso e a complicación que cada ano existe para outorgar o premio á mellor tortilla pola “igualdade e a calidade” das elaboracións que se presentan.
Na edición deste ano participaron 16 locais hostaleiros: Adega Lastras; TREZE; Café de Segundo; Cervecería Yocri; El Plaza; Mesón Avenida; Bar Restaurante Ternera Grill; Xamonería “El Ibérico”; Restaurante Casanova; Bar Galicia; Bar Kutako; Vinoteca Versalles; Bar O Rabel; A Travesía; O Noso Recuncho e Bikiño Gastrotaberna.
