Marisol Fontán Alonso do Centro Pai Menni gañou o primeiro premio do XIV Concurso de carteis das Letras Galegas do Concello de Betanzos. O cartel ilustrará o programa das Letras Galegas do Concello de Betanzos 2024.
Os accésits da décimo cuarta edición deste concurso foron para Camila Alessandra Plaza González de 5.º de primaria do CEIP Francisco Vales Villamarín e Jorge Vía Rodríguez de 1.º de primaria do CPR da Nosa Señora do Carme “Atocha”
No XIV Concurso de carteis das Letras Galegas participou alumnado do CPR Nosa Señora do Carme “Atocha”, do CEIP Francisco Vales Villamarín e do Centro Pai Menni. O xurado valorou a participación, a calidade e a orixinalidade e a adecuación ás bases dos carteis presentados.
A entrega dos premios do XIV Concurso de carteis das Letras Galegas realizarase o vindeiro venres 24 de maio ás 19:30 h no Salón Azul do edificio Arquivo.
