O deportista Antón Lagares foi distinguido como mellor deportista masculino individual na segunda edición dos Premios DXT ao Talento Base, un recoñecemento que pon en valor a súa destacada traxectoria na pasada tempada.
O galardón chega tras un ano especialmente brillante para Lagares, no que conseguiu subir ao podio en competicións internacionais, acadando unha medalla de prata a nivel europeo e unha medalla de bronce no ámbito mundial. Uns resultados que consolidan a súa progresión e o sitúan entre as promesas máis sólidas do deporte base.
De cara á tempada 2025/2026, o deportista afronta novos retos coa mesma ambición e espírito de superación. Tal e como el mesmo sinala, nin sequera as longas xornadas de choiva frean a súa preparación e compromiso cos obxectivos marcados.
Este recoñecemento supón un impulso máis na súa carreira deportiva e un motivo de orgullo para o seu entorno, que celebra un premio máis que merecido pola súa dedicación, constancia e resultados.
