O Concello avanza nos traballos de limpeza da estatua dos irmáns García Naveira, situada no centro da cidade. A intervención estase a realizar mediante técnicas específicas para garantir a correcta conservación do mármore de Carrara, empregando produtos especializados, auga a baixa presión e cepillos de cerdas suaves.
Esta actuación enmárcase no programa municipal de mantemento e limpeza de espazos públicos. Ao longo da semana, os traballos tamén se estenderon a varias rúas do casco histórico, onde se están a aplicar tratamentos para eliminar o verdín acumulado tras as recentes choivas.
