O Club Ría de Betanzos abre o prazo de inscrición para os seus cursos de iniciación ao piragüismo do verán de 2026, unha actividade dirixida a fomentar a práctica deportiva e o contacto coa natureza entre a mocidade do municipio.
Os cursos están destinados a nenos e nenas nacidos entre os anos 2011 e 2018 e desenvolveranse en diferentes quendas de luns a venres:
- Do 29 de xuño ao 10 de xullo
- Do 13 ao 24 de xullo
- Do 27 de xullo ao 7 de agosto
As sesións organizaranse en dous horarios:
- 1º turno: de 9:30 a 11:30 horas
- 2º turno: de 11:30 a 13:30 horas
Ademais, o club ofrecerá un curso de iniciación para persoas adultas, dirixido a participantes nacidos en 2010 e anos anteriores, que terá lugar de luns a xoves en horario de 18:00 a 20:00 horas, nas seguintes quendas:
- Do 6 ao 16 de xullo
- Do 20 ao 30 de xullo
O obxectivo desta iniciativa é achegar o piragüismo a novos practicantes, promovendo valores como o esforzo, o traballo en equipo, o respecto polo medio natural e os hábitos de vida saudables.
Inscricións e información
As persoas interesadas poden obter máis información a través do correo electrónico [email protected].
A inscrición para os cursos infantís pode realizarse a través do seguinte formulario premendo AQUI
Desde a organización animan ás familias e á veciñanza a participar nesta actividade deportiva que cada verán reúne a numerosos rapaces e rapazas para descubrir o mundo do piragüismo nun entorno seguro e divertido.
