O Club BTT Caimanes Betanzos organiza coa colaboración do concello de Betanzos o vindeiro domingo 30 de Xuño a IX Mini Btt “Concello de Betanzos” no Parque O Pasatempo e as súas inmediacións.

A proba dará comezo ás 10.00 horas e prolongarase ata as 15.00 horas, aproximadamente.

Dita proba, é a undécima carreira que forma parte do calendario da Federación Galega de Ciclismo. Ten categoría H.3A de a clasificación da devandita Federación.

O circuíto, cuns percorridos distintos en función da idade dos nenos, conta con varios obstáculos artificiais que os corredores deben de sortear.

Contamos cuns 500 nenos procedentes de todos os puntos de Galicia repartidos entre todas as categorías que son Benjamín, Promesas, Principiante, Alevín e Infantil, tanto en masculino e feminino.

As cerimonias de premios terán lugar ao final de todas as probas.

Para iso contarase cun médico e dúas ambulancias, así como con voluntarios de Protección Civil de Betanzos e voluntarios do club para o bo facer da proba.