O pasado domingo 22 de febreiro concluíu oficialmente a tempada da modalidade de 3 horas de Resistencia, na que o club contou con representación en todas as probas da Copa de Galicia e no Campionato de Galicia.
No seu primeiro ano competindo nesta disciplina, o cadete Pablo Cebreiros acadou uns resultados destacados, logrando un terceiro posto na Copa de Galicia e un cuarto posto no Campionato de Galicia, na categoría de parellas cadetes mixtas, xunto coa súa compañeira Úrsula Borrageros, do Club de Montaña Xesteiras.
Paralelamente, arrincou tamén a tempada de XCO. O noso corredor sub-23 Aitor Vázquez desprazouse á provincia de León, concretamente á localidade de Bembibre, para disputar a primeira proba da tempada, onde puido avaliar o seu estado de forma de cara ás próximas competicións desta disciplina.
Ademais, durante o mes de febreiro celebrouse a primeira quedada cicloturista do ano para socios, cun percorrido polos montes de Pena Fesa, no concello de Monfero. A seguinte saída está programada para o 8 de marzo.
