O pasado xoves 24 de abril, tivo lugar na Aula de Cultura do Edificio Arquivo a entrega das credenciais compostelás daqueles veciños e veciñas que realizaron o Camiño de Santiago o pasado ano 2024.
Máis de cen betanceiros e betanceiras recibiron cadansúa credencial e un pequeno agasallo para cada participante que o ano pasado tivo como protagonista o Camiño de Santiago da Ría de Muros e Noia, desde Muros e Porto do Son a Santiago de Compostela.
No acto, fíxose un repaso ás etapas do pasado camiño, comentando divertidas anécdotas.
