A unidade móbil de renovación e expedición do DNI atoparase en Betanzos en sete datas desde setembro ata decembro.
O vehículo estará na praza de García Hermanos e para poder renovar a documentación as persoas interesadas deberán solicitar cita previamente nas oficinas municipais do edificio Liceo e facilitar o nome, apelidos, número DNI e teléfono.
En setembro estará o día 12 e 26, en outubro o 10 e o 24, en novembro o 14 e o 28 e finalmente, en decembro o día 12.
