O Concello mostrou a súa satisfacción porque Turismo atendese a súa petición de iniciar a limpeza e adecuación de vexetación no parque do Pasatempo.
O goberno local explicou que se executan traballos de adecuación e limpeza que afectarán a espácelas arbóreas e outra vexetación do parque tal e como sinalaban os técnicos que elaboraron o plan director de recuperación do parque.
Eses mesmos técnicos trasladaron a necesidade de acometer unha serie de traballos de limpeza e adecuación de vexetación para visibilizar os elementos do parque, por unha banda, tapados en moitos casos pola vexetación; e por outro, evitar a deterioración que as raíces producen nas grutas do parque.
Os traballos foron solicitados polo Concello a Turismo e agora comezan coa limpeza de varias zonas, nunha actuación que desde o goberno local e os técnicos do equipo de recuperación do parque consideran necesaria a curto prazo para poñer en valor varias zonas do recinto e por outro para evitar os danos nas grutas, danadas polas raíces.
