O Concello ultima as obras mellora da praza Enrique IV, unhas obras que padeceron diversas atrasos, primeiro polas autorizacións, xa que dependían de permisos sectoriais de diversas administracións e despois por problemas derivados coa anterior empresa adxudicataria que obrigou a sacar de novo a contratación o proxecto.
Nestes momentos atópanse na súa última fase de execución. Os traballos consistiron na renovación da rede de abastecemento de auga substituíndoa por tubaxes de polietileno e executáronse as acometidas domiciliarias de auga potable, retirando a tubaxe antiga de fibrocemento.
Ademais executouse unha nova rede separativa: residuais e pluviais. Realizáronse as acometidas domiciliarias de saneamento á rede para evitar así as inundacións que se producían nesta praza como consecuencia desta antiga rede de saneamento.
As actuacións contemplan tamén a reposición de todas as beirarrúas existentes afectadas polas obras; o vial da calzada; diversas melloras da praza interior e as zonas que lindan coa río. Por último repoñeranse bancos, papeleiras, farois e árbores.